ដាក់ Custom Homepage Logo នៅពេល Share ទៅកាន់ Facebook

មកទៀតហើយៗ បាទ! ជួបគ្នាដូចរាល់សព្វដងអ៊ីចឹងដែរ ថ្ងៃនេះខ្ញុំសូមលើកយកគន្លឹះមួយមកចែករំលែកជាមួយអ្នកទាំងអស់គ្នា។ ជាទូទៅនៅពេលដែលអ្នក Share Link ប្លុករបស់អ្នកទៅកាន់ Facebook នោះអ្នកនឹងឃើញមាន អាសយដ្ឋានប្លុក រូបភាព ចំណងជើង និងការពិពណ៌នាជាដើម ដែលទាំងអស់នោះ គឺជា Facebook Open Graph Protocol។

ប្លុកនៅពេលដែល Share Link Homepage ចូល Facebook

   មុននឹងឈានទៅដល់របៀបដាក់ រូបភាព Logo ប្លុករបស់អ្នកនៅពេលដែលអ្នក Share ទៅកាន់ Facebook ខ្ញុំសូមពន្យល់អ្នកទាំងអស់គ្នាជាសម្រាយឲ្យងាយយល់បន្តិចសិន។ សំណួរសួរថា តើអ្វីទៅជា Open Graph Protocol?

   Facebook Open Graph Protocol គឺជា Social Graph Object ដែលអនុញ្ញាតឲ្យគេហទំព័រណាមួយមានមុខងារដូចគ្នាទៅនឹង Object ឬ Function ដែលមាននៅលើ Facebook ហើយ Open Graph Protocol មានច្រើនណាស់សម្រាប់ប្រើប្រាស់នៅក្នុងគេហទំព័រ ប៉ុន្តែក្នុងអត្ថបទនេះខ្ញុំសូមលើកយកតែ Open Graph Protocol សម្រាប់តែការដាក់ Custom Logo ប៉ុណ្ណោះ។

   សម្រាប់ Facebook Open Graph Protocol ផ្សេងទៀតអ្នកទាំងអស់គ្នាអាចចូលទៅកាន់អាសយដ្ឋាន http://ogp.me រួចសិក្សាដោយខ្លួនឯងបាន។ អូរ! មួយទៀតភ្លេចប្រាប់ ការដាក់ Custom Logo នេះបាននៅពេលដែលអ្នក Share Link Homepage ប្លុករបស់អ្នកប៉ុណ្ណោះ ចំពោះ Blog Post ដែលអ្នក Share ទៅកាន់ Facebook វានឹងចេញរូបផ្សេងទៅតាម Post របស់អ្នក។

បញ្ជាក់៖ ប្រសិនបើអ្នកមិនបានដាក់ Custom Logo នៅក្នុង Template នៅពេលដែលអ្នក Share Link Homepage ប្លុករបស់អ្នកចូល Facebook នោះវានឹងបង្ហាញរូបភាពនៃ Blog Post ចុងក្រោយរបស់អ្នក ឬ រូបភាពផ្សេងទៀតដែលមាននៅក្នុងប្លុករបស់អ្នកទាំងអស់គ្នា។

១-សូមចូលទៅកាន់គណនីប្លុករបស់អ្នក
២-ចូលទៅកាន់ Theme បន្ទាប់មក Edit HTML
៣-ចម្លងកូដខាងក្រោមដាក់ពីខាងក្រោម <head> Tag

<meta content="Link Logo Image" property="og:image"/>

ចំណាំ៖ ប្ដូរ Link Logo Image ទៅជាតំណភ្ជាប់រូបភាពដែលអ្នកចង់ដាក់
៤-ចុចពាក្យ Save Theme។
៥-ចូលទៅ https://developers.facebook.com/tools/debug/sharing រួចវាយបញ្ចូល URL ប្លុករបស់អ្នក បន្ទាប់មកទៀតចុចទៅលើពាក្យ Debug ដែលនៅខាងស្ដាំ នោះវានឹងបង្ហាញព័ត៌មានជាច្រើនពីប្លុករបស់អ្នក ប៉ុន្តែសូមអ្នកមើលតែកន្លែង Link Preview បានហើយ។ មួយវិញទៀតប្រសិនបើទិន្នន័យដែលអ្នកបាន Debug មិនត្រឹមត្រូវអ្នកអាចចុចទៅលើពាក្យ Scrape Again ដើម្បីឲ្យ Facebook Scrape ទិន្នន័យរបស់អ្នកម្ដងទៀត បន្ទាប់ពី Scrape រួចទិន្នន័យ Link Preview របស់អ្នកនឹងត្រឹមត្រូវឡើងវិញ។ ជាចុងក្រោយសាក Share Link ប្លុករបស់អ្នកចូលទៅកាន់ Facebook នោះអ្នកនឹងឃើញ Logo ដែលអ្នកបានដាក់ជាមិនខាន។

សូមអរគុណ! ជួបគ្នាពេលក្រោយទៀត៕